أشياء خاصك ديرها منين يسالي الحجر الصحي
تخايل معايا ليوم هو آخر يوم ديال الحجر وغدا غاترجع للحياة العادية و نتا باقي ماعندك فكرة على الحوايج لي غادي دير؟ هاهوما بعض الحوايج لي ضروري خاصك ديرهوم من أول يوم بعد الحجر
:سيرعند أقرب حلاق
النوع التاني: هداك لي مامسوقش لحالتو وبقوة ليغوفل بدا كايقول لختو "واش نتي لي هزيتي ليا لاستيك زرق ديالي؟" لي فالأصل كان ديالها. ديالها
!✂لهذا خاصك تزور الحجام
سير شوف الوالدين و العائلة:
لي بعاد على والديهم و على عائلاتهم هما ليغايفهمو و كايتسناو غير فوقاش يطلقو الخدمة د وسائل النقل، ويركبو فأول كار غادي يديهم عند الحباب. ولكن الاغلبية هاز الهم ل كفاش يتفادا زحام و يمشي مرتاح، الحل كااااين ! ماعليك غير دخل لwww.markoub.ma و تقطع الكار من الدار مع الشركة لي بغيتي و فالوقت لي حبيتي و هادشي بأرخص ثمن.
هادوك لي غادي يديروها سبة باش يسافرو، كانشوفكووم 🧐!
دخل لاصال تريض :
مع هاد الحجر و رمضان ماكاين غير الشهيوات، شمنك يا كيكة آشمنك يا بغريرو آشمنك يا قلي و يا مملحات... و تسالي و تمشي ضربها بنعسة ولا تجبد حدا التلفازة، يمكن چاع وليتي كتاكل كتر من 3 دالوجبات فالنهار. الكريشة كبرات وقربتي تعطيها سمية 😏!
لذلك غير يسالي الحجر و دير داكشي للي هضرنا عليه قبل ، سير ل لاصال اصاحبي باش منين تمشي للبحر ف الصيف تبان علا صحابك 😉
استغل المساحات الخضراء و الطبيعة :
قبل الحجر كان الاغلبية فينا كايفضل يمشي ل مول ولا القهاوي و كانساو مانمشيو مع العائلة ولا الأصدقاء للغابة او الحديقة و نستافدو من المناطق الطبيعية لي المغرب غني بها. من بعد مايسالي الحجر سير تمتع بالهواء النقي و فرغ گاع الطاقة السلبية لي جمعتي فهاد الفترة الصعيبة د كورونا و خضر عويناتك فالطبيعة.
ولكن ماتنساش اسميتك ترد البال للبيئة و تحافظ عليها 🍀
و نتايا ؟ عندك فكرة على شنو غادي دير؟